Fara í aðalinnihald

Sunnudagskvöld

Heimasætan er komin með kvíðasvip á andlitið. Búin að raða og endurraða í ferðatöskuna, eða töskurnar öllu heldur því "flugfreyjutaskan" sem bróðir hennar lánaði henni sprakk þegar stígvélunum var skellt ofan á öll fötin og annað sem verður að hafa með. Hún er að fara á Reyki í fyrramálið og kemur ekki heim fyrr en á föstudaginn aftur. Spennan fyrir þessarin ferð er búin að vera ansi mikil undanfarið en núna er hún orðin pínulítið stressuð. Ég vona bara að hún sofi eitthvað í nótt blessunin.
Ég fer vonandi á Reyki eftir ár með umsjónarbekkinn minn. Hef verið þar tvisvar sinnum og í bæði skiftin var mjög gaman.

JG er allur að hressast af lungnabólgunni og fer á leikskólann á morgun til prufu, til 14:08 þegar lokar. Ég er ekki búin að ákveða hvort ég fer í Sjallann á morgun á fundinn en ég fer heim úr vinnunni.
Árið 1985 var ég að vinna vaktavinnu á Kristnesi þennan dag, þá var boðið upp á sherrystaup á vaktaskiptunum í tilefni dagsins. Mér fannst það bara fínt.

Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira