Ég er ekkert hætt að blogga. Ef að ég hef sest við tölvuna undanfarið hefur eitthvað truflað mig eða þá að mér hefur ekki dottið neitt gáfulegt í hug að skrifa.
Þá eru unglingarnir á heimilinu að fara í fyrsta samræmda prófið á morgun. Ég hef verið að leika ábyrgt foreldri um helgina og farið yfir helstu málfræðiatriðin með þeim. Verð að viðurkenna að ég er farin að ryðga ansi mikið í setningafræðinni og germynd og þolnmynd, svo eitthvað sé nefnt. Mér sýnist þeir vera bara nokkuð vel staddir og vona bara að allt gangi vel.
Þeir eru báðir komnir með sumarvinnu og verða meira og minna að heiman í sumar. Svo er bara að ákveða hvað á að taka sér fyrir hendur næsta vetur. Þeir eru ekki búnir að ákveða hvort VMA eða MA verður fyrir valinu. Kannski fara þeir bara í sitthvorn skólann, en það fer nú svolítið eftir hvernig þeir koma út úr prófunum. Við höfum ekki ætlast til annars en að þeir stæðu sig það vel að þeir gætu valið um skóla.
Þó að við JÓH höfum bæði verið í MA og kynntumst þar meira að segja ætlumst við ekki til þess af börnunum okkar að þau fari þangað þess vegna. Ef að VMA hefði verið til staðar fyrir tuttugu og fimm árum þá hefði ég farið þangað frekar en í MA, held ég.
En ekki þar fyrir að MA var og er góður skóli og þar tók ég út ansi mikinn þroska á þeim fimm árum sem ég var að brasa við að ljúka stúdentsprófi. Við erum einmitt að undirbúa tuttugu ára stúdentsafmælið þessa dagana og erum farin að telja dagana til 14. júní... trallallallalei...
En alveg er það ótrúlegt hvað þetta er orðinn langur tími.
Ég var að horfa á "Út og suður" í sjónvarpinu áðan en Gísli var að tala við hana Guðveigu á Hálsi. Við fórum fyrir jólin tólf saman og borðuðum hjá henni. Það var alveg meiriháttar og það er á áætlun að fara í gönguferð upp að Hraunsvatni í sumar og enda svo í mat á Halstjörnunni. Hún hefur verið að vinna í afleysingum á leikskólanum hjá okkur í vetur og hefur ekki látið sig muna um að keyra alla leið vestan úr dal og hingað frameftir.
Þá eru unglingarnir á heimilinu að fara í fyrsta samræmda prófið á morgun. Ég hef verið að leika ábyrgt foreldri um helgina og farið yfir helstu málfræðiatriðin með þeim. Verð að viðurkenna að ég er farin að ryðga ansi mikið í setningafræðinni og germynd og þolnmynd, svo eitthvað sé nefnt. Mér sýnist þeir vera bara nokkuð vel staddir og vona bara að allt gangi vel.
Þeir eru báðir komnir með sumarvinnu og verða meira og minna að heiman í sumar. Svo er bara að ákveða hvað á að taka sér fyrir hendur næsta vetur. Þeir eru ekki búnir að ákveða hvort VMA eða MA verður fyrir valinu. Kannski fara þeir bara í sitthvorn skólann, en það fer nú svolítið eftir hvernig þeir koma út úr prófunum. Við höfum ekki ætlast til annars en að þeir stæðu sig það vel að þeir gætu valið um skóla.
Þó að við JÓH höfum bæði verið í MA og kynntumst þar meira að segja ætlumst við ekki til þess af börnunum okkar að þau fari þangað þess vegna. Ef að VMA hefði verið til staðar fyrir tuttugu og fimm árum þá hefði ég farið þangað frekar en í MA, held ég.
En ekki þar fyrir að MA var og er góður skóli og þar tók ég út ansi mikinn þroska á þeim fimm árum sem ég var að brasa við að ljúka stúdentsprófi. Við erum einmitt að undirbúa tuttugu ára stúdentsafmælið þessa dagana og erum farin að telja dagana til 14. júní... trallallallalei...
En alveg er það ótrúlegt hvað þetta er orðinn langur tími.
Ég var að horfa á "Út og suður" í sjónvarpinu áðan en Gísli var að tala við hana Guðveigu á Hálsi. Við fórum fyrir jólin tólf saman og borðuðum hjá henni. Það var alveg meiriháttar og það er á áætlun að fara í gönguferð upp að Hraunsvatni í sumar og enda svo í mat á Halstjörnunni. Hún hefur verið að vinna í afleysingum á leikskólanum hjá okkur í vetur og hefur ekki látið sig muna um að keyra alla leið vestan úr dal og hingað frameftir.
Ummæli
Skrifa ummæli