Við hjónakornin erum að halda upp á tuttugu ára (segi og skrifa) stúdentsafmæli þessa dagana. Ég verð víst að viðurkenna að úthaldið hjá mér hefur minnkað með árunum, hvort sem það er aldurinn eða eitthvað annað. Lokahófið er í kvöld þegar við mætum í höllina í samkvæmisklæðnaði og skemmtum okkur með öðrum jubilöntum (ég veit nú ekki alveg hvort þetta latneska orð er rétt stafsett hjá mér), eða eitthvað um sjöhundruð manns.
Það er búið að vera fj. skemmtilegt síðustu tvo daga en ég verð að viðurkenna að ég er svolítið slæpt í dag. Við fórum í stutta skoðunarferð um okkar gamla skóla í gær. Sverrir Páll leiddi okkur um nýbyggingarnar og útskýrði ýmsar breytingar. Nú ber svo við að ýmislegt dót sem notað var þegar við vorum við skólann er komið upp á háaloft og er þar til sýnis. Sýnishorn af gömlum tölvum og básar úr málastofunni (sælla minninga) svo dæmi séu tekin.
Við JÓH notuðum tækifærið fyrst við vorum á staðnum á virkum degi og gengum úr skugga um hvort umsóknir sona okkar væru ekki komnar til skila en þeir sóttu báðir um MA á endanum. Þeir þurftu eins að sækja um skólavist í framhaldsskóla á netinu eins og aðrir í vor. Það er svosem allt gott og blessað og virtist virka ágætlega en umsækjandi fær aldrei neina staðfestingu að umsóknin hafi borist í réttan skóla. Ekki þá fyrr en bréf berst um það hvort umsóknin sé samþykkt eða hafnað.
Það er skemmtileg tilhugsun að ef að þeir ljúka nú námi á 4 árum þá verða þeir að kasta hvítu kollunum í höllinni á 16.júní 2010. ásamt pabba og mömmu sem verða þá 25 ára stúdentar!! En þetta er nú bara skemmtileg hugmynd og margt getur breyst á næstu fjórum árum.
Það er búið að vera fj. skemmtilegt síðustu tvo daga en ég verð að viðurkenna að ég er svolítið slæpt í dag. Við fórum í stutta skoðunarferð um okkar gamla skóla í gær. Sverrir Páll leiddi okkur um nýbyggingarnar og útskýrði ýmsar breytingar. Nú ber svo við að ýmislegt dót sem notað var þegar við vorum við skólann er komið upp á háaloft og er þar til sýnis. Sýnishorn af gömlum tölvum og básar úr málastofunni (sælla minninga) svo dæmi séu tekin.
Við JÓH notuðum tækifærið fyrst við vorum á staðnum á virkum degi og gengum úr skugga um hvort umsóknir sona okkar væru ekki komnar til skila en þeir sóttu báðir um MA á endanum. Þeir þurftu eins að sækja um skólavist í framhaldsskóla á netinu eins og aðrir í vor. Það er svosem allt gott og blessað og virtist virka ágætlega en umsækjandi fær aldrei neina staðfestingu að umsóknin hafi borist í réttan skóla. Ekki þá fyrr en bréf berst um það hvort umsóknin sé samþykkt eða hafnað.
Það er skemmtileg tilhugsun að ef að þeir ljúka nú námi á 4 árum þá verða þeir að kasta hvítu kollunum í höllinni á 16.júní 2010. ásamt pabba og mömmu sem verða þá 25 ára stúdentar!! En þetta er nú bara skemmtileg hugmynd og margt getur breyst á næstu fjórum árum.
Ummæli
Skrifa ummæli