Ég þurfti að skutla bóndanum í vinnuna í morgun.
Veðrið eins og það getur yndislegast verið á þessum árstíma. Frost (að vísu 5 stig) og heiðskírt. Sólin að koma upp og baðaði fjöllin sem eru orðin hvít langt niður í hlíðar. Áin var alveg spegilslétt og hundruð gæsa að vakna í náttstaðnum.
Maður þarf að staldra við og draga andann djúpt og njóta. Það er svo mikil kyrrð yfir allri náttúrunni. Ég ætla að fara út á eftir og hengja nokkur handklæði á snúrurnar.
Það er reglulega gaman að hafa garð í kringum húsið sitt. Stundum finnst mér í alvöru að ég sé dálítið einkennileg en sá staður sem mér líður best á er við þvottasnúrurnar!!
Nú vantar mig eitthvað fallegt ljóð til að setja hér neðan við en bókin sem ég ætlaði að fletta í er í skólanum!
Ég las grein í DV á laugardaginn, heil opna um gömlu skólaljóðin þar sem inntakið var það væri svo mikið af hörmungarljóðum í henni. En höfundur viðurkenndi þó í lokin að hann ætti þessa bók og læsi úr henni fyrir börnin sín. Eitt af dæmunum í greininni var "Fýkur yfir hæðir" eftir Jónas Hallgrímson, sem ég held nú að heiti "Móðurást" og fjallar um móður sem verður úti í vondu veðri en bjargar barninu sínu með því að vefja það inn í fötin sín. Sannarlega hræðilega sorglegt. Það sem mér fannst nú skemmtilegt við það er að þetta ljóð er einnig að finna í Ljóðsporum sem er ljóðabók 5.-7. bekkjar og dóttir mín sem er í sjötta bekk var einmitt að læra þetta ljóð í skólanum.
Veðrið eins og það getur yndislegast verið á þessum árstíma. Frost (að vísu 5 stig) og heiðskírt. Sólin að koma upp og baðaði fjöllin sem eru orðin hvít langt niður í hlíðar. Áin var alveg spegilslétt og hundruð gæsa að vakna í náttstaðnum.
Maður þarf að staldra við og draga andann djúpt og njóta. Það er svo mikil kyrrð yfir allri náttúrunni. Ég ætla að fara út á eftir og hengja nokkur handklæði á snúrurnar.
Það er reglulega gaman að hafa garð í kringum húsið sitt. Stundum finnst mér í alvöru að ég sé dálítið einkennileg en sá staður sem mér líður best á er við þvottasnúrurnar!!
Nú vantar mig eitthvað fallegt ljóð til að setja hér neðan við en bókin sem ég ætlaði að fletta í er í skólanum!
Ég las grein í DV á laugardaginn, heil opna um gömlu skólaljóðin þar sem inntakið var það væri svo mikið af hörmungarljóðum í henni. En höfundur viðurkenndi þó í lokin að hann ætti þessa bók og læsi úr henni fyrir börnin sín. Eitt af dæmunum í greininni var "Fýkur yfir hæðir" eftir Jónas Hallgrímson, sem ég held nú að heiti "Móðurást" og fjallar um móður sem verður úti í vondu veðri en bjargar barninu sínu með því að vefja það inn í fötin sín. Sannarlega hræðilega sorglegt. Það sem mér fannst nú skemmtilegt við það er að þetta ljóð er einnig að finna í Ljóðsporum sem er ljóðabók 5.-7. bekkjar og dóttir mín sem er í sjötta bekk var einmitt að læra þetta ljóð í skólanum.
Ummæli
Skrifa ummæli