Fara í aðalinnihald
Morgunverkin.


Jóhann Gylfi er alveg að fríka út. Hann fékk smá magaskot í gærkvöldi. Ældi í stofusófann og virtist lagast upp úr því. Spenningurinn er alveg að fara með hann þessa stundina. Inga Hildur er búin að læsa sig inn í herberginu sínu. Það er svo erfitt að ákveða í hverju á að vera í dag. Hún er á þriðja eða fjórða dressinu núna. Og litli bróðir stendur organdi á ganginum og vill komast inn.
Halldór er að vaska upp (alltaf duglegur að hjálpa mömmu). Hann fann engar sparibuxur áðan. Kannski eru þær bara inni hjá Úlfari sem hefur ekki komið út úr herberginu sínu í morgun nema rétt til að fá samþykki mömmu fyrir sparklæðnaði dagsins.
Ég er búin að vera alveg ofboðslega dugleg í morgun. Bakaði eina skúffuköku til að eiga með kaffinu í dag og sett svo á terturnar sem ég lofaði Þorgerði mágkonu. Því við erum að fara í skírn á eftir.
Jóhann verður hér heima með systkinum sínum og fjölskyldum að ganga frá kjötinu og svo borðar allt liðið hér í kvöld. Því að "Hakkið" ,eins og tvíburarnir segja, er um þessa helgi. Eða fjölskyldumót Jarðbrúarsystkinanna. Það er alltaf mikið fjör.
Nú er krullujárnið orðið heitt og best að fara að greiða prinsessunni.

Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira