Fara í aðalinnihald
Jæja, komin úr kaupstað eftir venjulegar föstudagsútrettingar. Ég sló met í hagkvæmum innkaupum í Bónus. Svona miðað við rúmmál. Ég er búin að lofa því að elda pizzu í kvöld fyrir börnin, sem hafa ekki fengið neitt almennilegt að borða svo lengi sem þau muna. Það var sláturgerð hér síðasta föstudag og blóðmör í matinn. Svo bætti ég nú gráu ofan á svart með einhverju austurlensku jukki, grænmeti og hrísgrjónum á laugardagskvöldið. Unglingarnir á heimilinu sátu brúnaþungir og andvörpuðu yfir matarborðinu (Og ekkert gos í ofanálag því það gleymdist!).
Ég ætla því að bæta um betur í kvöld. Og strákarnir búa til degið. Þeir eru orðnir ansi flinkir í því. Eins og þeir eru nú matvandir, þá hafa þeir engan áhuga á því að elda. Þeir gætu lifað lengi á brauði, osti og núðlusúpum.
Svo að ég sé pínulítið jákvæð þá eru yngri systkinin ekki nándarnærri eins vandætin og unglingarnir. J.G. borðar allt sem fyrir hann er borið og IH er mjög nýjungagjörn. Svo get ég ekki mikið sagt sjálf, því þeir hafa að öllum líkindum erft matvendnina frá mér, beina leið. Pabbi þeirra heldur því a.m.k. fram.


Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira