Fara í aðalinnihald

Saltfiskdraumar

Húsbóndinn á heimilinu stendur við eldavélina núna þó að það sé farið að nálgast miðnætti. Hann á nefnilega afmæli á morgun. Stórafmæli. Loksins erum við bæði komin á fimmtugsaldurinn og hann hættir að segja "gamla mín" þangað til í mars.
Á mínum vinnustað tíðkast það að koma með tertur og annað þessháttar kruðerí á afmælisdögum.
Jóhann minn er ekkert mikið fyrir tertur og enn lélegri er hann við baksturinn. En honum fannst samt að hann yrði að gera eitthvað fyrir liðið sem hittist á kaffistofunni í hádeginu.
Hann fékk mjög skemmtilega matreiðslubók, sem heitir "Seiðandi saltfiskur og þorskréttir þjóðanna", í jólagjöf í fyrra. Við erum búin að elda svolítið upp úr henni og í vetur fór hann eitt sinn með afgang af saltfiski sem ég eldaði eftir uppskrift úr þessarri bók. Það fengu einhverjir að smakka og Beggi er búinn að bíða eftir því síðan að fá meiri saltfisk. Því verður boðið upp á saltfisk í hádeginu hjá JÓH á morgun.
Tvíburarnir eru búnir að vera að æfa afmælissönginn í dúett (horn og saxofónn) og ætla að vekja pabba sinn með lúðrablæstri. (það er eins gott að slökkva á tölvunni þegar ég er búin að þessu). Inga Hildur og JG syngja.

Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira