Fara í aðalinnihald

ég bloggaði í fyrradag líka

Samkvæmt veðurspánni átti að vera stórhríð og stormur hér í morgun. En það hefur ekki bærst hár á höfði hér í allan dag. Hagstæði vindátt fyrir okkur framfirðinga.
Ekki það að það hefði breytt neinu. Hér er ekki lengur felldur niður skóli vegna veðurs og meðan ég kemst sjálf í vinnuna á ég að mæta. Sem er auðvitað bara hið besta mál.

Helgin var auðvitað ekki sérlega góð fyrir mig og nýju vigtina. Þetta er hin mesta græja sem ég fjárfesti í. Tölvustýrð með ýmsum möguleikum. Enda var hún fokdýr. Ég ákvað að það væri betra að hugsa um gæði frekar en verð minnug þess að sú síðasta(ódýrt drasl!) entist ekki í ár. (Af hverju skyldi það nú vera??) En tölurnar eru ekki alveg nógu jákvæðar. Hmmm...

Svo er ég farin að sauma út. Eftir að ég fékk gleraugun og sé heiminn í nýju ljósi, eða þannig, dró ég fram gömul ókláruð handavinnuverkefni og ætla að hlamma mér fyrir framan sjónvarpið í kvöld og glápa á endursýningu á Golden globe verðlaunaafhendingunni á stöð 2. Milli þess sem ég munda nálina og hlýði unglingunum yfir þýskar sagnir.

Spirulina hvað??

Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira