Matarklúbbshelgi.
Loksins höfðum við okkur í það að hittast fjölskyldurnar á hlutlausu svæði, mættumst nokkurn vegin á miðri leið. Í Ytri-vík á Árskógsströnd og lögðum undir okkur gamla húsið með öllu tilheyrandi. Það var komið að okkur að sjá um matinn en við fengum aðstoð í þetta sinn því Maggi og Rut komu með kóngakrabbaklær með sér frá Ólafsfirði sem hafðar voru í forrétt og Hofsárbændur lögðu til annað af tveimur lambalærum sem lögð voru á grillið. (Hitt lambalærið var að vísu líka af Hofsárskum uppruna en rataði í frystikistuna okkar upp úr haustslátrun).
JÓH sá um eldamennskuna að mestu og ég um meðlætið. Það er svo skrambi góð verkaskifting á þessu hjá okkur.
Það er víst best að geta þess að við vorum með börnin með okkur því þó að við séum öll mikil átvögl eru tvö læri full mikið fyrir sex manneskjur en við vorum tólf sem sátum til borðs en þrettándi gesturinn er bara fimm mánaða. Það var nú samt alveg hægt að borða yfir sig og enginn fór svangur í rúmið. Við tókum því svo frekar rólega í morgun því við þurftum ekki að skila húsinu á neinum ákveðnum tíma. Morgunmaturinn tók nokkra klukkutíma og svo var farið í bað í pottinum góða stund áður en við lögðum í hann heim á leið.
Tvíburarnir voru fjarri góðu gamni, heima að lesa undir stærðfræðipróf sem er á morgun. Þeir bera sig nokkuð vel búnir með tvö próf og ljúka törninni eftir viku.
P.s. Ég er búin að fjárfesta í baðvog. JÓH er byrjaður í karlapúli á Bjargi svo nú er að duga eða drepast eða ég hætti að hafa við honum.
Loksins höfðum við okkur í það að hittast fjölskyldurnar á hlutlausu svæði, mættumst nokkurn vegin á miðri leið. Í Ytri-vík á Árskógsströnd og lögðum undir okkur gamla húsið með öllu tilheyrandi. Það var komið að okkur að sjá um matinn en við fengum aðstoð í þetta sinn því Maggi og Rut komu með kóngakrabbaklær með sér frá Ólafsfirði sem hafðar voru í forrétt og Hofsárbændur lögðu til annað af tveimur lambalærum sem lögð voru á grillið. (Hitt lambalærið var að vísu líka af Hofsárskum uppruna en rataði í frystikistuna okkar upp úr haustslátrun).
JÓH sá um eldamennskuna að mestu og ég um meðlætið. Það er svo skrambi góð verkaskifting á þessu hjá okkur.
Það er víst best að geta þess að við vorum með börnin með okkur því þó að við séum öll mikil átvögl eru tvö læri full mikið fyrir sex manneskjur en við vorum tólf sem sátum til borðs en þrettándi gesturinn er bara fimm mánaða. Það var nú samt alveg hægt að borða yfir sig og enginn fór svangur í rúmið. Við tókum því svo frekar rólega í morgun því við þurftum ekki að skila húsinu á neinum ákveðnum tíma. Morgunmaturinn tók nokkra klukkutíma og svo var farið í bað í pottinum góða stund áður en við lögðum í hann heim á leið.
Tvíburarnir voru fjarri góðu gamni, heima að lesa undir stærðfræðipróf sem er á morgun. Þeir bera sig nokkuð vel búnir með tvö próf og ljúka törninni eftir viku.
P.s. Ég er búin að fjárfesta í baðvog. JÓH er byrjaður í karlapúli á Bjargi svo nú er að duga eða drepast eða ég hætti að hafa við honum.
Ummæli
Skrifa ummæli