Það er lítið skáldlegt við veðrið hérna núna. Rigningarsuddi, slabb og hálka. Enda dró ég bara fyrir, kveikti á nokkrum kertum og bætti við einni ljósaseríu. Strákarnir fóru upp á háaloft um helgina og komu niður með jólaskrautskassana. Nú er að koma yfir heimilið þetta óreiðuyfirbragð sem helst allan desember, jólapappír, kort og föndur út um allt, innan um auglýsingabæklinga og pappakassa. Seríurnar eru að koma upp hver af annarri, eitthvað hefur nú gengið úr sér síðan í fyrra svo að ég varð að fara í peruleit í gærkvöldi þegar mér datt skyndilega í hug að setja upp seríur í herberginu hans Jóhanns Gylfa. Bætti svo um betur og setti seríur í eldhúsgluggana líka og hengdi eina langa kringum stóra spegilinn á ganginum áðan. Þannig að ég er voðalega jólaleg og þegar ég lít í spegilinn (sem ég, verð víst að viðurkenna að ég geri oft) .
Við höfum alltaf haft ákveðna stefnu í ljósaskreytingum, erum svolítið gamaldags og viljum bara hafa marglitar (og margar) seríur. Það finnst okkur jólalegast. Jóhann Ólafur sér um innkaupin á þessum ljósum og það bætist alltaf við á hverju ári. Núna bíður hann eftir skaplegu veðri um helgina til að hægt sé að fara upp í grenitréð í garðinum og hengja í það seríur. Það hefur stækkað svo mikið að líklega þarf að bæta við ljósum (og finna lengri stiga)!
Annars er alveg ekta desember helgi framundan. 10 bekkur er með basar á Glerártorgi á morgun svo ég er að baka fyrir það. Annað kvöld erum við að fara á Jólahlaðborð á KEA með skólanum en áður en við förum þangað þarf ég að hnoða laufabrauðsdegið Við ætlum í laufabrauð á laugardaginn. Ég man ekki í augnablikinu hvað það er sem þarf að gera á sunnudaginn, en ætli ég baki ekki bara nokkrar smákökusortir þá, eða eitthvað. Það sem væri skemmtilegast að gera, ef það verður gott veður er að fara út í skóg og tína köngla til að föndra úr.
Ég fór með krökkunum mínum í skólanum upp í skóg í fyrradag og við tíndum töluvert af furu- og lerkikönglum sem við ætlum að gera eitthvað skemmtilegt með. Ég raðaði svo eins og komst á ofnana í stofunni, skólaliðunum til armæðu því þegar könglarnir þorna og opnast þá poppa fræin í allar áttir. Niður á gólf aðallega.
Við höfum alltaf haft ákveðna stefnu í ljósaskreytingum, erum svolítið gamaldags og viljum bara hafa marglitar (og margar) seríur. Það finnst okkur jólalegast. Jóhann Ólafur sér um innkaupin á þessum ljósum og það bætist alltaf við á hverju ári. Núna bíður hann eftir skaplegu veðri um helgina til að hægt sé að fara upp í grenitréð í garðinum og hengja í það seríur. Það hefur stækkað svo mikið að líklega þarf að bæta við ljósum (og finna lengri stiga)!
Annars er alveg ekta desember helgi framundan. 10 bekkur er með basar á Glerártorgi á morgun svo ég er að baka fyrir það. Annað kvöld erum við að fara á Jólahlaðborð á KEA með skólanum en áður en við förum þangað þarf ég að hnoða laufabrauðsdegið Við ætlum í laufabrauð á laugardaginn. Ég man ekki í augnablikinu hvað það er sem þarf að gera á sunnudaginn, en ætli ég baki ekki bara nokkrar smákökusortir þá, eða eitthvað. Það sem væri skemmtilegast að gera, ef það verður gott veður er að fara út í skóg og tína köngla til að föndra úr.
Ég fór með krökkunum mínum í skólanum upp í skóg í fyrradag og við tíndum töluvert af furu- og lerkikönglum sem við ætlum að gera eitthvað skemmtilegt með. Ég raðaði svo eins og komst á ofnana í stofunni, skólaliðunum til armæðu því þegar könglarnir þorna og opnast þá poppa fræin í allar áttir. Niður á gólf aðallega.
Ummæli
Skrifa ummæli