Mér þykir fiskur alveg ágætur. Oftast. Vildi að ég væri samt meira fyrir fisk.
Ég komst að þeirri niðurstöðu nýlega að ég eigi ekkert að vera að standa í því að elda fisk. Þegar ég horfi á fiskflak þá fallast mér venjulega hendur. Enda svo á því að skella því í pott og borða með soðnum kartöflum. Sem er auðvitað bara gott og börnunum mínum þykir sælgæti (með smjöri).
Minn ektamaki er mikið fyrir fisk og honum þykir mjög gaman að elda eitthvað skemmtilegt úr fiski. Hann sér því stundum um það á þessu heimili, þegar hann er heima!
Núna í augnablikinu stendur hann yfir pottunum. Við höfum það fyrir sið að bjóða fjölskyldu minni í fiskisúpu á þrettándanum (frestuðum um einn dag að þessu sinni) og spila svo púkk fram eftir nóttu.
Súpan sú er alltaf elduð eftir sömu uppskrift, það er að segja að bókin er opin á réttri blaðsíðu en ég hef kokkinn sterklega grunaðan um að vera með ýmis tilbrigði við súpugerðina. Við höfum reynt að breyta til og hafa annan mat en matargestirnir eru enn fastheldnari en við. Það þýðir heldur ekki að ég eldi súpuna, það hefur bara verið reynt einu sinni! Þá kláraðist brauðið og gestirnir hótuðu að koma aldrei aftur í mat til okkar.
Ég sé sem sagt fram á skemmtilegasta kvöld.
Hm, ekki kominn tíundi janúar og ég farin að brjóta boðorðin í átakinu. (Það verður ekta frönsk súkkulaðikaka í desert og ég ætla sko að fá mér sneið með rjóma namm, namm)
Ég komst að þeirri niðurstöðu nýlega að ég eigi ekkert að vera að standa í því að elda fisk. Þegar ég horfi á fiskflak þá fallast mér venjulega hendur. Enda svo á því að skella því í pott og borða með soðnum kartöflum. Sem er auðvitað bara gott og börnunum mínum þykir sælgæti (með smjöri).
Minn ektamaki er mikið fyrir fisk og honum þykir mjög gaman að elda eitthvað skemmtilegt úr fiski. Hann sér því stundum um það á þessu heimili, þegar hann er heima!
Núna í augnablikinu stendur hann yfir pottunum. Við höfum það fyrir sið að bjóða fjölskyldu minni í fiskisúpu á þrettándanum (frestuðum um einn dag að þessu sinni) og spila svo púkk fram eftir nóttu.
Súpan sú er alltaf elduð eftir sömu uppskrift, það er að segja að bókin er opin á réttri blaðsíðu en ég hef kokkinn sterklega grunaðan um að vera með ýmis tilbrigði við súpugerðina. Við höfum reynt að breyta til og hafa annan mat en matargestirnir eru enn fastheldnari en við. Það þýðir heldur ekki að ég eldi súpuna, það hefur bara verið reynt einu sinni! Þá kláraðist brauðið og gestirnir hótuðu að koma aldrei aftur í mat til okkar.
Ég sé sem sagt fram á skemmtilegasta kvöld.
Hm, ekki kominn tíundi janúar og ég farin að brjóta boðorðin í átakinu. (Það verður ekta frönsk súkkulaðikaka í desert og ég ætla sko að fá mér sneið með rjóma namm, namm)
Ummæli
Skrifa ummæli