Litli prinsinn í fjölskyldunni á 4 ára afmæli í dag. Hann hélt upp á það með því að mæta á leikskólann í fyrsta skifti síðan fyrir jól. Hafði með sér í farteskinu útlenda íspinna til að gefa hinum litlu Krummunum.
Unglingarnir á heimilinu voru vaktir snemma í morgun að eigin ósk, a.m.k. sumra. Þau fengu það verkefni að taka til ryksuga og ganga frá þvotti þannig að allt yrði nú í fínu standi þegar við foreldrarnir kæmum hlaupandi heim úr vinnunni seinnipartinn.
Að sjálfsögðu standa þau sig með prýði í húsverkunum, meira að segja búin að læra á kaffikönnuna. Ömmurnar og afinn mættu síðan í kaffi seint seinnipartinn ásamt systkinum okkar foreldranna og börnum.
Frá okkur foreldrunum fékk afmælisbarnið traktor, heyvinnuvélar og íþróttagalla og var hann hæstánægður með allt saman.
Það er ekkert sérstakt að eiga afmæli svona ofan í jólunum. Engar búðir opnar og bara nokkrir dagar síðan síðasta pakkaopnun átti sér stað. Enda fær hann gjarnan meira föt en dót í afmælisgjöf (sem er að vísu alveg hið besta mál). Hann er búinn að bíða alveg síðan í ágúst eftir því að eiga afmæli en þá eiga systkini hans afmæli með hálfsmánaðar millibili.
Eftir andvökunótt í nótt mætti ég í vinnuna snemma í morgun og verð að viðurkenna að á tímabili eftir hádegið var ég ansi syfjuð. Það er svona þegar maður lætur það eftir sér að sofa fram að hádegi marga daga í röð. Það þýðir ekkert annað en að fara snemma í háttinn í kvöld.
Á morgun tekur svo hversdagslífið við aftur eftir hreint ágæt jól og áramót.
Unglingarnir á heimilinu voru vaktir snemma í morgun að eigin ósk, a.m.k. sumra. Þau fengu það verkefni að taka til ryksuga og ganga frá þvotti þannig að allt yrði nú í fínu standi þegar við foreldrarnir kæmum hlaupandi heim úr vinnunni seinnipartinn.
Að sjálfsögðu standa þau sig með prýði í húsverkunum, meira að segja búin að læra á kaffikönnuna. Ömmurnar og afinn mættu síðan í kaffi seint seinnipartinn ásamt systkinum okkar foreldranna og börnum.
Frá okkur foreldrunum fékk afmælisbarnið traktor, heyvinnuvélar og íþróttagalla og var hann hæstánægður með allt saman.
Það er ekkert sérstakt að eiga afmæli svona ofan í jólunum. Engar búðir opnar og bara nokkrir dagar síðan síðasta pakkaopnun átti sér stað. Enda fær hann gjarnan meira föt en dót í afmælisgjöf (sem er að vísu alveg hið besta mál). Hann er búinn að bíða alveg síðan í ágúst eftir því að eiga afmæli en þá eiga systkini hans afmæli með hálfsmánaðar millibili.
Eftir andvökunótt í nótt mætti ég í vinnuna snemma í morgun og verð að viðurkenna að á tímabili eftir hádegið var ég ansi syfjuð. Það er svona þegar maður lætur það eftir sér að sofa fram að hádegi marga daga í röð. Það þýðir ekkert annað en að fara snemma í háttinn í kvöld.
Á morgun tekur svo hversdagslífið við aftur eftir hreint ágæt jól og áramót.
Ummæli
Skrifa ummæli