Fara í aðalinnihald

Júróvisjón kvöld tvö

Heimafólk og gestir voru nokkuð sannspáir varðandi úrslit kvöldsins. Þeir allir flottir og mér finnst lagið sem Eiríkur syngur fallegt, það er að vísu það eina sem ég var búin að heyra áður
Ég vona bara að hópurinn sem stóð að framlagi Jónsa skipti um búninga fyrir næstu umferð. Þar á ég við "bert að neðan, alltof mikið að ofan" bakraddasöngkonurnar. Þessi ósköp skáru hryllilega í augun, ekki beru leggirnir heldur blússan og slaufudraslið sem gerði það að verkum að þær voru með brjósin upp fyrir höku.

Við sem sagt sátum heima þó að í kvöld sé formlega blótaður þorri í íþróttahúsi Hrafnagilsskóla. Hér var samt þorraveisla með öllu tilheyrandi. Meðal gesta nýir íbúar Eyjafjarðarsveitar sem fluttu í gær. Litli bróðir keypti húsið á ská hinum megin við götuna þannig að núna er helmingur íbúanna hér í Brekkutröðinni afkomendur ömmu og afa (í fjórum húsum af átta).

JG borðaði ekkert sagðist vera búinn að fá nóg af "forramat". Tvíburarnir hurfu fljótlega, eru að "lana" um helgina og koma ekki heim fyrr en í nótt. Við höfum ekki gert miklar athugasemdir eitt skipti enda hafa þeir tekið vel öllum tilmælum um að takmarka tölvuleikjasetu hérna heimavið. Þetta er samt lúmsk fíkn að lenda í og ég velti því fyrir mér stundum hvernig ég hefði haft það átján ára ef ég hefði getað horfið inn í þennan gerviheim þegar mig langaði til.

Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira