Fyrst ég er byrjuð má ég til að blogga smá um gærkvöldið. Við erum landsfræg! Fjölskyldan fyrir Júróvisjónpartý og í gærkvöldi settumst við niður með kaffi og eplaköku með rjóma, mjög pent, fyrir framan sjónvarpið. Horfðum og hlustuðum á átta lög, ekkert eftirminnilegt. Jú, IH sagði við eitt lagið að hún hefði heyrt þetta einhversstaðar. Við nánari umhugsun var það ekki sama lagið heldur eitthvað eiginlega alveg eins. Við notuðum svo útilokunaraðferðina við að geta okkur til um það hvaða lög myndu komast áfram og vorum mjög getspök. Það var bara spurning um hvort það yrði Snorri eða Sigurjón Brink. En ósköp var þetta dapurt. Við lifum bara í voninn það sem eftir er sé skárra.
Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Ummæli
Skrifa ummæli