Fara í aðalinnihald

Dalalíf 3

Nú er ég búin að vera í Hrútadalnum í nokkrar vikur, með hléum þó. En persónurnar eru farnar að sækja að mér í svefni og vöku. Þóra er mitt uppáhald, þó ég sé ekki alltaf sammála henni. Ég er þó núna farin að kynnast betur aukapersónum sem ber ekki eins mikið á.

"Svo kom allt í einu saga, sem þótti æði munntöm. Hún byrjaði gang sinn á Ásólfsstöðum, fremsta bænum í dalnum að vestanverðu... Og sagan læddist út dalinn eins og þoka. Hún smaug inn í búrið eða eldhúsið og þaðan til baðstofunnar. Hún kitlaði fólkið í eyrun og gerði það forvitið...

Sagan var sú, að henni var engin athugli veitt lengur. Hún tiplaði því af stað ofan í kaupstað. Þar gekk hún á milli húsanna og var jafn velkomin inn í stofuna hjá kaupmanninum eins og í torfkofann hjá fátæklingunum. Hún brá sér meira að segja til sjómannanna, og þeir höfðu hana með sér á sjóinn sér til skemmtunar. Svo lagði hún af stað fram dalinn að austanverðu og var orðin sæmilega sárfætt þegar hún kom fram að Hvammi. En þar fékk hún slæmar viðtökur. Þóra rak hana á dyr og vildi ekki hlusta á hana. Þá hrökklaðist hún fram að Nautaflötum, en þorði þó ekki heim að bænum, heldur tyllti sér á kvíavegginn hjá vinnukonunum..."


Skemmtileg persónugerfing kjaftasögunnar.

Nú orðið heyrir maður ekki kjaftasögur, þær eru orðnar að fyrirsögnum í sorpritum áður en þær komast út fyrir höfuðborgina og lítið er nú varið í það.

Ummæli

Skrifa ummæli

Vinsælar færslur af þessu bloggi

Saurbæjarkirkja

Messa í Saurbæjarkirkju í morgun þann 28. október. Alltaf gaman að koma þar, kirkjan hlý og notaleg í morgun og sólin skein inn um austurgluggana sem eru sitthvoru megin við altarið. Saurbæjarkirkja var byggð 1858 og er um margt merkilegt. Hún er stærsta torfkirkjan sem enn stendur á Íslandi og sú einfaldasta að gerð. Þegar Saurbæjarkirkja er reist eru tiltölulega nýbyggðar timburkirkjur í Eyjafirði fram (Grund 1842, Hólum 1853, Möðruvöllum 1848 og Munkaþverá 1844) og því áhugavert að torfkirkja skyldi byggð í Saurbæ og raunar óútskýrt hvort það var eingöngu sérviska staðarhaldara eða hagkvæmni sem réðu þar mestu en kirkjan stendur hátt á hól og fremur vindasamt og timburkirkjunni hættara við foki en þeirri sem hlaðið væri utan með. Enda stendur hún enn og fagnaði 150 ára afmæli fyrir nokkrum árum. (Reyndar standa þrjár af hinum kirkjunum enn þó ein hafi fokið einu sinni, Grundarkirkja var rifin þegar sú sem enn stendur var reist 1905). Myndin af kirkjunni er frá því um aldamóti...
Skrifa ummæli
Lesa meira

28. september 2013

Haustlitir Morgunsólin bræðir héluna af blöðum reynitrésins. Bakvið glittir í heiðan himinn. Fallegri gerast haustdagarnir ekki. Seinna þegar þornað hafði betur og golan gældi við gróðurinn skrjáfaði í laufblöðunum þegar þau féllu til jarðar. 
Skrifa ummæli
Lesa meira

Að henda, eða ... henda ekki.

Í augnablikinu er ég að berjast við tilfinningu sem ég finn alltof, alltof, að því að mér finnst akkúrat núna, sjaldan fyrir. Mér finnst ég vera að drukkna í hlutum sem mig vantar ekki! Vil henda. Frekar óskiljanleg tilfinning í mínu tilfelli því allajafna er ég þekkt fyrir að sanka að mér allskonar dóti og er stolt af því að tilheyra hópi "hrúgukvenna".  Sem þýðir heimilisleg óreiða, en raunar allt á sínum stað. Nú stendur yfir páskahreingerning og ég henti áðan eldhúsáhaldi sem ég á annað eintak af og er strax komin með samviskubit, ég henti líka nokkrum skrúfum (eins gott að JÓH lesi þetta ekki). Myndin er alveg ótengd pistlinum, allsvakaleg súkkulaðikaka sem ég bakaði fyrr í vetur. 
Skrifa ummæli
Lesa meira